تیمی کایزن
تیمی کایزن ئەزمونێکی درێژ و فراوانیان لە ئەنجامدانی ڕاوێژکاری و ڕاهێنان و مارکێتینگ بۆ بازرگانی و پیشەسازییە جۆراوجۆرەکان هەیە. خاوەنی بڕوانامە و ڕاهێنانی باڵان لە زانکۆ بەناوبانگەکانی ئەمریکا و ئەوروپا. خۆیان لەدنیای واقعیدا چەندین ئەزموونی سەرکەوتوی دامەزراندن و بەڕێوەبردنی کاریان هەیە. خاوەنی چەندین نموونەی واقعی و بەرجەستەن لە بەگەڕخستنەوە و بوژاندنەوەی هەندێک کار و بازرگانیدا کە لەدۆخێکی خراپدا بوون و بە هەوڵی تیمی کایزن خراونەتەوە گەڕ و باشترین ئەدای خۆیان دەکەن و بونەتەوە دەزگای قازانجهێن. پێشینە و باکگراوندی ڕاوێژکارانی کایزن بەجۆرێکە کە سەرجەمیان پۆستی باڵایان لەدنیای کاردا بەڕێوەبردوە و لە باکگراوندی جیاوازی بازرگانی و ئەکادیمیەوە هاتوون، کە ئەمەش وا دەکات زانیاری و شارەزایی تەواومان هەبێت سەبارەت زۆرترین بازرگانی و پیشەسازیە جیاوازەکان. هیچ ئاڵنگارییەک بۆ تیمی کایزن ئەستەم نییە و خۆمان تەرخانکردووە بۆ پێشکەشکردنی چارەسەری گشتگیر بۆ بەدەستهێنانی ئامانجەکانی دامەزراوەکەت.
چیرۆکی ئێمە
لە پەڕەیەکەوە بۆ دەزگایەک
گەشتی کایزن لە پەڕەیەکی بچوک و سادەی ناو تۆڕی کۆمەڵایەتی فەیسبووکەوە دەستی پێکرد بەناوی (کارامەیی لە کار و بەڕێوەبردن) لە ساڵی ٢٠١٦ دا. بەجۆرێک دامەزرێنەر و بەڕێوەبەری کایزن (ئاراس عومەر) لەو کاتەدا خوێندکاری بواری بەڕێوەبردنی کار بوو لە ئەمەریکا، هەوڵی دەدا لەپاڵ ئەزموونی درێژی کارکردنی، خۆبەخشانە ئەو زانیاریانەی بەشێوەیەکی ئەکادیمی بەدەستی دەهێنێت بیخاتەوە بەردەستی خوێنەران لەڕێگەی ئەو پەڕەیەوە، هەڵبەت بە شێواز و رۆحییەتێکی ئەوتۆ کە لەگەڵ کلتور و واقیعی کار و بازرگانی ئەم ناوچەیە بگونجێت.
بەهۆی گرنگی ئەو ناوەرۆکانەی لە پەیجەکەوە بڵاو دەکرانەوە، هەروەها نزیکی بابەتەکان لە کلتور و واقیع و بەکارهێنانی زمانێکی دەربڕینی سادە، هەر زوو ئەو پەڕە بچووکە لە تۆڕە کۆمەڵایەتییەکان بووە جێگەی سەرنجی خاوەنکار و کارمەند و خوێندکار و مامۆستایانی بواری بەڕێوەبردنی کار. پاشان دامەزرێنەری کایزن چەندین داواکاری بۆ ڕاوێژکاری و ڕاهێنان لەلایەن خاوەنکار و بازرگان و کەسانی دیکەوە پێگەیشت. بۆیە سەرەڕای پێشکەشکردنی خزمەتەکانی بۆ ماوەیەکی درێژ بەشێوەی خۆبەخشانە، دواجار بە لەبەرچاوگرتنی داواکارییەکان و پێویستی بازاڕ، نوسینگەی کایزنی بۆ ڕاوێژکاری و ڕاهێنان دامەزراند و تیمێکی پسپۆڕی بەتوانای لە بوارە جیاوازەکانی بەڕێوەبردنی کار و مارکێتینگ لەژێر چەتری کایزندا کۆکردەوە تا بەشێوەیەکی ڕێکخراوتر خزمەتەکان پێشکەش بە هاوبەشەکان بکرێت. کایزن لە پەڕەیەکەوە دەستی پێکرد، لە ئێستادا دەزگایەکی خاوەن ناوبانگی ئەوتۆیە کە لە بوارەکانی ڕاوێژکار و راهێنان و بازاڕگەریدا کار دەکات و یەکێکە لەو یەکەم ناوانەی دێت بە خەیاڵی هەر کەس و دەزگایەکدا کە خولیای بەرەوپێشچوونی کار و بازرگانی و تەنانەت خودی خۆیان هەیە.
